Orari: Nga e Hëna në të Diel
24 h
ALPET” është shoqëri e themeluar në vitin 2005, me zyra qëndrore në kryeqytet, në rrugën “Donika Kastrioti”, Kullat Binjake, Kulla 1, kati 13. E krijuar fillimisht si një degëzim i kompanisë manjate turke ALPET, shoqëria ndoqi të njëjtën vlerë të kompanisë mëmë, duke ofruar cilësinë e parë për klientët. Tashmë me rreth 16 vite në tregun vendas, imazhi i kësaj shoqërie mbetet i pandryshuar tek klientët.

E përqëndruar në efiçiencë dhe efektivitet, “ALPET” arriti të tërheqë menjëherë ekspertët më të njohur të fushës së hidrokarbureve dhe të mbledhë rreth saj punonjës të kualifikuar. Falë trajnimeve të stafit, “ALPET” siguron për klientët korrektësi dhe profesionalizëm në shërbim. Fleksibiliteti, shpejtësia në ofrimin e shërbimit në pikat e shitjeve me pakicë, profesionalizmi dhe përkrahja e drejtueseve të departamenteve kryesore të kompanisë, ndihmojnë kompaninë të qëndrojë gjithmonë pranë nevojave të klientëve. Shoqëria është vazhdimisht e angazhuar për të ndjekur hapat e teknologjisë më të fundit në tregtimin e hidrokarbureve, duke përkrahur në çdo nisëm zhvillimet e reja, veçanërisht në mbrojtje të mjedisit.

Fokusi i kompanisë për të ardhmen është arritja e perfeksionit në kombinimin e produktit dhe shërbimit në tregun e hidrokarbureve, duke siguruar vazhdimësinë e bashkëpunimit me klientët dhe rritjen e pranisë në treg.